ISO/IEC 20000 İnformasiya Texnologiyaları xidmətlərinə əsaslanan beynəlxalq standartdır və dünyanın regionundan və sektorundan asılı olmayaraq böyük və ya kiçik bütün təşkilatlar üçün etibarlıdır. Bu standart informasiya texnologiyalarına yönəlmiş xidmətlərin idarə edilməsi sisteminin planlaşdırılması, yaradılması, idarə edilməsi, monitorinqi, nəzərdən keçirilməsi, saxlanılması və təkmilləşdirilməsi üçün tələbləri müəyyən edir.

ISO/IEC 20000 ən yaxşı təcrübələrin və idarəetmə proseslərinin müəyyən edildiyi və izah edildiyi ITIL (İnformasiya Texnologiyaları İnfrastruktur Kitabxanası) tədqiqatlarına əsaslanan standartdır. İş dünyası İnformasiya Texnologiyalarından getdikcə daha çox asılı vəziyyətə düşdükcə və İnformasiya Texnologiyaları xidmətləri getdikcə mürəkkəbləşdikcə bu idarəetmə sisteminə ehtiyac günü-gündən artır.

ISO/IEC 20000 istənilən şirkətin nüfuzuna real töhfə verir. O, xərcləri azaldan və bütün müştərilər üçün əlçatan olan etibarlı informasiya texnologiyaları xidmətinin idarə edilməsinin sübutunu təqdim edir. İnformasiya Texnologiyaları xidmətinizin keyfiyyətini və etibarlılığını nümayiş etdirməklə yanaşı, əməkdaşlarınızın motivasiyasını da artırır.

ISO/IEC 20000

2 hissədə dərc olunub:

Hissə 1, ISO/IEC 20000-1: standartın rəsmi spesifikasiyasıdır və müştərilərə göstərilən xidmətlərdə məqbul keyfiyyət səviyyəsinə nail olmaq üçün təşkilatlar üçün tələbləri müəyyən edir. Sertifikat almaq üçün yerinə yetirilməli olan minimum tələblər də bu bölmədə verilmişdir.

Hissə 2, ISO/IEC 20000-2: standartın tətbiqi ilə bağlı prinsipləridir və ISO/IEC 20000-1 çərçivəsində Xidmətlərin İdarə Edilməsi prosesinin ən yaxşı şəkildə həyata keçirilməsi üçün lazımi təlimatları ehtiva edir.